,,ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტი“ წარმოადგენს კავკასიის საერთაშორისო უნივერსიტეტის შიდა სტრუქტურულ ერთეულს და შედის სოციალურ მეცნიერებათა ფაკულტეტის შემადგენლობაში. რომლის მიზნებია უნივერსიტეტში სტრატეგიული ასიმეტრიული საფრთხეების - ბირთვული, ქიმიური, ბიოლოგიური და რადიოლოგიური საფრთხეების შესწავლისა და ანალიზის მიმართულებით სამეცნიერო-კვლევითი საქმიანობა და კოორდინაცია; სამეცნიერო-კვლევითი პროექტების მოზიდვა და განხორციელება/ხელშეწყობა; ბირთვული, ქიმიური, ბიოლოგიური და რადიოლოგიური საფრთხეების საკითხებში ამსახველი მიმდინარე პოლიტიკური პროცესების შესწავლა, პრობლემების იდენტიფიცირება და მათგან არსებული კონკრეტული გამოწვევების შესახებ კვლევის შედეგების წარდგენა, როგორც სამხედრო, ეკონომიკური და საინფორმაციო ფორმატებში; უნივერსიტეტის ფარგლებში ბირთვული, ქიმიური, ბიოლოგიური და რადიოლოგიური საფრთხეების მიმართულებით მიმდინარე/დაგეგმილი სამეცნიერო-კვლევითი პროექტების ხელშეწყობა და კოორდინაცია, სამეცნიერო კვლევების სასწავლო პროცესთან ინტეგრაციის ხელშეწყობა. ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის ამოცანებია სტრატეგიული ასიმეტრიული საფრთხეების - ბირთვული, ქიმიური, ბიოლოგიური და რადიოლოგიური საფრთხეების პოლიტიკის შესწავლა, კვლევა, დამუშავება და ანალიზი; საერთაშორისო, რეგიონულ და ადგილობრივ ორგანიზაციებთან, ასევე სახელმწიფო და არასახელმწიფო ორგანიზაციებთან ინსტიტუციონალური თანამშრომლობა სამეცნიერო სფეროში; სტრატეგიული ასიმეტრიული საფრთხეების - ბირთვული, ქიმიური, ბიოლოგიური და რადიოლოგიური საფრთხეების თემაზე კონფერენციების მოწყობა, ასევე სხვადასხვა სახის სამეცნიერო-კვლევითი და შემეცნებითი ღონისძიებების გამართვა, პერიოდული გამოცემების მომზადება; სამეცნიერო კვლევითი საჭიროებისათვის გრანტების მოზიდვა სხვადასხვა დონორი ორგანიზაციებიდან; ადგილობრივ და უცხოურ სამეცნიერო-კვლევითი დაწესებულებების მიერ გამართულ კონფერენციებში მონაწილეობა; საგანმანათლებლო საქმიანობის განხორციელება.
სამეცნირო სემინარი
2022 წლის 6-10 მაისს პოლიტიკის მეცნიერებათა სადოქტორო საგანმანათლებლო პროგრამის დოქტორანტებისა და პროგრამაში ჩართული პროფესორებისთვის განხორციელდა საგანმანათლებლო, შემეცნებითი და სამეცნიერო ტური ტრაპიზონსა და ტაო-კლარჯეთში. ამავე ტურის ფარგლებში ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის მიერ ჩატარდა სამეცნიერო სემინარი გლობალური უსაფრთხოების საკითხებზე.
კონფერენცია
2023 წლის 14-15 თებერვალს კავკასიის საერთაშორისო უნივერსიტეტში საერთაშორისო სამეცნიერო კონფერენცია გაიმართა თემაზე: „თანამედროვე საერთაშორისო უსაფრთხოება და მასიური განადგურების იარაღი - ასიმეტრიული სამხედრო გამოწვევები და რეგიონალური უსაფრთხოების დილემა“.
კონფერენციის თანაორგანიზატორები არიან CIU-ს „ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტი“ და „მეცნიერებისა და ტექნოლოგიის ცენტრი უკრაინაში (STCU)“.
An international scientific conference on the topic: Modern International Security and Weapons of Mass Destruction - Asymmetric Military Challenges and Regional Security Dilemma was held at Caucasus International University on 2023 year February 14-15.
The co-organizers of the conference are CIU Institute for Strategic Studies of Chemical, Biological, Radiological and Nuclear Threats and Science and Technology Center of Ukraine (STCU).
გრანტი
2022 წლის ნოემბერში კავკასიის საერთაშორისო უნივერსიტეტის სოციალურ მეცნიერებათა ფაკულტეტის კვლევითი ინსტიტუტის ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის მიერ მოიპოველ იქნა სამეცნიერო-კვლევითი გრანტი: STCU PROJECT 9609A – CURRENT LETTER L01. რომელიც ითვალისწინებს კონფერენციის მოწყობას, სამეცნიერო-კვლევითი მონოგრაფის გამოცემას და კვლევების ჩატარებას ბირთვული, ქიმიური, რადიოლოგიური და ბიოლოგიური უსაფრთხოების საკითხებზე.
გამომცემლობა
2022 წელს კავკასიის საერთაშორისო უნივერსიტეტის სოციალურ მეცნიერებათა ფაკულტეტის დაფინანსებით ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის მიერ გამოიცა მონოგრაფია „ციფრული ტექნოლოგიების საუკუნე და კიბერუსაფრთხოების თანამედროვე საერთაშორისო პოლიტიკური გამოწვევები“.
ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის ხელმძღვანელი - ალიკა გუჩუა, პოლიტიკის მეცნიერების დოქტორი, CIU-ს ასოცირებული პროფესორი.
ტელ: +995 557 960145
ელფოსტა: alika_guchua@ciu.edu.ge
ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის მრჩეველი - ვახტანგ მაისაია, პოლიტიკურ მეცნიერებათა დოქტორი.
ელფოსტა: vakhtang.maisaia@ciu.edu.ge