კავკასიის საერთაშორისო უნივერსიტეტის (CIU) ფუნდამენტური კვლევების გრანტების 2023 წლის კონკურსში წარმოდგენილი იყო ხუთი საგრანტო აპლიკაცია. თითოეული პროექტი შესაფასებლად გაეგზავნა ორ დამოუკიდებელ გარე ექსპერტს. საბოლოო ქულა წარმოადგენს მათი შეფასებების საშუალო არითმეტიკულს. კონკურსის პირობების თანახმად, დაფინანსების მისაღებად აუცილებელი, მაგრამ არასაკმარისი პირობაა, რომ პროექტებმა გადალახონ მინიმალური 40 ქულიანი ზღვარი (50-დან). წარმოდგენილი პროექტებიდან 40 ქულიანი ზღვარი გადალახა ხუთივე პროექტმა, თუმცა კავკასიის საერთაშორისო უნივერსიტეტის სამეცნიერო კვლევების დეპარტამენტის წლიური ბიუჯეტის თანახმად დაფინანსდა ოთხი პროექტი. 2023 წელს გამარჯვებული პროექტების სია:
| პროექტის სათაური | ფაკულტეტი | შეფასების ქულა | ხანგრძლივობა | ბიუჯეტი |
| ამერიკული ლიტერატურა ქართულ ლიტერატურათმცონეობაში | სოციალურ მეცნიერებათა | 50 | 1.5 წელი | 27,800 |
| საქართველოში ციფრული მმართველობის დანერგვის სამართლებრივ-ტექნოლოგიური გამოწვევები (ესტონეთის გამოცდილების მაგალითზე) | სამართალი | 47.5 | 1 წელი | 30,000 |
| საქართველოს მთიან რეგიონებში ვერტიკალური ზონალობის მიხედვით ვაზისა და მისი თანმდევი კულტურების გაადგილების მოდელის შექმნა |
მევენახეობა | 46 | 1.5 წელი | 9,300 |
| სოციალური დაცვის სისტემა საქართველოში | სამართალი | 45 | 1 წელი | 30,000 |
კონკურსში ასევე მონაწილეობდა პროექტი სოციალურ მეცნიერებათა ფაკულტეტიდან:
| კულტურული მემკვიდრეობისა და კულტურის საკითხების გაშუქების კვლევა მე-20 საუკუნის ქართულ ემიგრანტულ მედიაში | სოციალურ მეცნიერებათა | 42.5 | 1.5 წელი | 29,417 |
სამეცნიერო კვლევების დეპარტამენტი ულოცავს გამარჯვებულებს და წარმატებას უსურვებს სამეცნიერო საქმიანობაში!