„საქართველოსა და ირანის ურთიერთობების სამეცნიერო-ანალიტიკური ლაბორატორია“ წარმოადგენს კავკასიის საერთაშორისო უნივერსიტეტის შიდა სტრუქტურულ ერთეულს, რომლის მიზნებია საქართველოსა და ირანის როლის წარმოჩენა რეგიონალური პრობლემების მოგვარებაში, ირანსა და კავკასიის რეგიონის ქვეყნებს შორის არსებული პოლიტიკურ-ეკონომიკური და სოციალურ-კულტურული ურთიერთობების კვლევა. ასევე, საქართველო-ირანის ურთიერთობებში სხვადასხვა აქტუალურ თემებზე სამეცნიერო-კვლევითი პროექტების შემუშავება/რეალიზება და მათში სტუდენტთა აქტიური ჩართულობის უზრუნველყოფა. აღნიშნული მიზნებიდან გამომდინარე ლაბორატორიის ამოცანებია ქართველი და ირანელი მეცნიერების ერთმანეთთან დაკავშირება და მათ შორის ურთიერთობების გაღრმავება, ორივე ქვეყნის სამეცნიერო წრეებს შორის სამეცნიერო გამოცდილების გაზიარება, საქართველოსა და ირანის უმაღლეს საგანმანათლებლო დაწესებულებებთან თანამშრომლობა, საერთაშორისო სამეცნიერო კონფერენციების ჩატარება, საერთაშორისო სტუდენტური კონფერენციების ჩატარება, საჯარო ლექციების გამართვა საქართველოსა და ირანში, ახალგაზრდა სამეცნიერო კადრების მომზადება, სამეცნიერო-ანალიტიკური ხასიათის ნაშრომების მომზადება და გამოქვეყნება, გაცვლით სამეცნიერო და სასწავლო პროგრამებში აქტიური ჩართულობა, ქართველი და ირანელი სტუდენტების ერთმანეთთან დაკავშირება და მათ შორის ურთიერთობების გაღრმავება, შიდასამეცნიერო ღონისძიებების ჩატარება, ირანში არსებული საქართველოსა და სამხრეთ კავკასიის რეგიონის პრობლემებით დაინტერესებულ სამეცნიერო-კვლევით ცენტრებთან აქტიური თანამშრომლობა, კვლევის შედეგების ინტეგრირება სასწავლო პროცესში და ტრენინგების ორგანიზება.
საქართველოსა და ირანის ურთიერთობების სამეცნიერო-ანალიტიკური ლაბორატორიის ხელმძღვანელი - მაია კაპანაძე.