ექსპედიცია ე.წ საზღვრისპირა სოფლებში
კავკასიის საერთაშორისო უნივერსიტეტის სამეცნიერო გრანტით დაფინანსებული პროექტის „მცოცავი ოკუპაციის შედეგების შედარებითი კვლევა და მისი გავლენა მოსახლეობის დენადობაზე ე.წ. საზღვრისპირა სოფლებში“ პირველი საანგარიშო პერიოდის ფარგლებში, 15 სექტემბერს ჩატარდა მოსახლეობის გამოკითხვა ქარელის რაიონის სოფელ დირბსა და გორის მუნიციპალიტეტის სოფელ ქერეში. გამოკითხვის მიზანი იყო საოკუპაციო ხაზთან ახლოს მობინადრეთა საჭიროებების, განათლების ხელმისაწვდომობისა და უსაფრთხოების კვლევა. აღნიშნულ ექსპედიციაში მონაწილეობდნენ: კავკასიის საერთაშორისო უნივერსიტეტიდან - პროექტის ხელმძღვანელი, ფილოლოგიის დოქტორი, პროფესორი ნინო მინდიაშვილი; პოლიტიკის მეცნიერების მიმართულების დოქტორანტები: არინა თავაქარაშვილი, ალიკა გუჩუა და ინდირა პაპუნიძე; სადოქტორო პროგრამების კოორდინატორი - ანა გოგილაშვილი; ბაკალავრიატის მეოთხე კურსის სტუდენტი - გიორგი მორგოშია. გორის სახელმწიფო სასწავლო უნივერსიტეტიდან - ბაკალავრიატის სტუდენტები: მარიამ გოგიაშვილი და თეონა ცუგოშვილი. აღსანიშნავია, რომ კავკასიის საერთაშორისო უნივერსიტეტსა და გორის სახელმწიფო სასწავლო უნივერსიტეტს შორის გაფორმებულია ხელშეკრულება ამ პროექტის ფარგლებში თანმშრომლობის შესახებ. პროექტის მონაწილეების შეხვედრა სოფლების მაცხოვრებლებთან ადგილობრივმა ახალგაზრდებმა: ზეზვა წივწივაძემ და ანი ჯანიაშვილმა უზრუნველყვეს, რითაც დიდი დახმარება გაუწიეს პროექტს.