კავკასიის საერთაშორისო უნივერსიტეტის (CIU) ფუნდამენტური და მცირე გრანტების 2022 წლის კონკურსში წარმოდგენილი იყო ექვსი საგრანტო აპლიკაცია. მათგან ერთი შემოსული იყო მცირე გრანტების, ხოლო ხუთი ფუნდამენტური გრანტების კონკურსზე. თითოეული პროექტი შესაფასებლად გაეგზავნა ორ დამოუკიდებელ გარე ექსპერტს და საბოლოო ქულა არის მათი შეფასებების საშუალო არითმეტიკული. დაფინანსების მისაღებად აუცილებელი, მაგრამ არასაკმარისი პირობაა, რომ პროექტებმა გადალახონ მინიმალური 40 ქულიანი ზღვარი (50-დან). კავკასიის საერთაშორისო უნივერსიტეტმა დაფინანსება გამოყო ხუთი პროექტისთვის. იხილეთ, გამარჯვებული პროექტების სია:
1. მედიცინის ფაკულტეტი - საქართველოში ეპილეფსიის ტვირთის სიმძიმის შეფასება ამბულატორიულ პაციენტებში დაავადების მიზეზით გამოწვეული ჯანმრთელობის პრობლემების რაოდენობრივი კვლევის საფუძველზე - 49 ქულა.
2. მედიცინის ფაკულტეტი - საზოგადოების სხვადასხვა ჯგუფებში ეპილეფსიასთან ასოცირებული ატიტუდებისა და ეპილეფსიის შესახებ არსებული ცოდნის ცვლილებების კვლევა საქართველოში ათწლიანი ინტერვენციული აქტივობების შემდეგ - 47 ქულა.
3. ბიზნესის ფაკულტეტი - გასტრონომიული ბიზნესის მარკეტინგის თავისებურებები პოსტპანდემიურ პერიოდში, მისი ციფრული ტრანასფორმაცია, განვითარების ტენდენციები, გამოწვევები და შესაძლებლობები - 46.5 ქულა.
4. სოციალურ მეცნიერებათა ფაკულტეტი - პოლიტიკური კრიზისების მართვის მეტაკოგნიტური თეორია და პოლიტიკური ქცევების ლასველ - ფლაიველის მეტაკოგნიტური სამეცნიერო მონიტორინგის სისტემა - 44 ქულა.
5. სოციალურ მეცნიერებათა ფაკულტეტი - ტყუილის კვლევა ნეიროფიდბექის მეთოდოლოგიით - 42.5 ქულა.
დაფინანსებისთვის არასაკმარისი შეფასება მიიღო ბიზნესის ფაკულტეტის ერთმა პროექტმა - საგანმანათლებლო მარკეტინგი, როგორც უმაღლესი სასწავლო დაწესებულების წარმატების განმსაზღვრელი ფაქტორი პოსტ პანდემიურ პერიოდში - 34.5 ქულა.
სამეცნიერო კვლევების დეპარტამენტი ულოცავს გამარჯვებულებს და წარმატებას უსურვებს სამეცნიერო საქმიანობაში!